ہیوسٹن، ٹیکساس: ہیوسٹن کمیونٹی میڈیا (HCoM) نے 8 اکتوبر 2026 کو ہیوسٹن، ٹیکساس کے الفی آئی ایس ڈی سینٹر فار ٹیلنٹ ڈویلپمنٹ میں اپنے 2026 ایوارڈز کی تقریب منعقد کی، جس میں صحافت کے شعبے میں نمایاں کارکردگی دکھانے والوں کو اعزازات سے نوازا گیا۔
یہ تقریب ادارے کے دوسرے سالانہ ایکسپو، کانفرنس اور ایوارڈز پروگرام کا اختتامی اہم مرحلہ تھی۔ اس تقریب میں کمیونٹی صحافیوں، نسلی و لسانی میڈیا کے نمائندوں، سرکاری عہدیداروں، شعبۂ ابلاغ کے ماہرین، سماجی کارکنوں اور ڈیجیٹل مواد تخلیق کرنے والوں نے شرکت کی۔
ایوارڈز کی تقریب کی میزبانی انتونیو ہرنینڈز نے کی، جو ٹیلی منڈو ہیوسٹن کے نیوز اینکر ہیں۔ اس تقریب کو ہیوسٹن انڈومنٹ کی معاونت بھی حاصل رہی، جو گزشتہ دو برس سے ہیوسٹن کمیونٹی میڈیا کے کام میں تعاون کر رہی ہے۔
2026 ایوارڈز کی تقریب
